Benvid@s á aventura virtual de todos os serrador@s do país.
Benvidos ao lugar onde os vosos bailes, aturuxos a destempo e brincos terán cabida.
Arrimádevos e serrade con nós o soño do directo. Xuntos imos encher de viruta emocional as serras de Galiza enteira. Despois de dez anos de música tabernaria imos gravar, por fin, cun só obxectivo: facer festa! Avante o turreiro! Troula e Foula!
Axúdanos a liberar o son da serra!
Todos somos o Komando Katania!
Apúntate ao KOMANDO KATANIA , colle a túa serra de bancada,motoserra, eléctrica ou circular coma arma sonora e ven con nós a gravalo ao vivo. +info
abada xestión cultural S.L.
Santiago de Compostela
www.abada.es :: info@abada.es
|
|
O KOMANDO KATANIA é un grupo armado de apoio aos serradores. Cargado de serruchos, leva anos reclutando gaiteir@s nos furanchos e baiucas do país, coa intención de darlle saida a esa chea de cabezas quentes,de mentes creativas cara o mundo da viruta sonora.
Trátase de liberar as melodías destes carpinteiros dos furados de buxo,serradores en potencia,para que nos fagan a festa pola cara.
Esta tropa vai poñer a súa maquinaria neuronal ao noso servizo, para acadar a liberación de tódalas serras do país. Dende a Canda ao Padornelo,facer desta festa un mar de virutas.
Apúntate ao KOMANDO KATANIA [komando@serralhe.com] colle a túa serra de bancada,motoserra, eléctrica ou circular coma arma sonora e ven con nós a gravalo ao vivo.
Axúdanos a liberar o son da serra!
Todos somos o KOMANDO KATANIA!!!
Aquí podes atopar as letras das pezas que o coros do KOMANDO KATANIA tedes que ir aprendedo para cantar con nós.
Sendo conscientes da relación da música tradicional coa industria discográfica planetaria, e despois de rexeitar suculentas ofertas de multinacionais que querían que tocáramos acordeóns con tres foles, os Serra-lhe aí!!! pensamos o seguinte:
- Por qué non tentar facer un un camiño comunitario na edición do traballo discográfico?
- Por qué non entrar no libro dos Guiness facendo a cooperativa musical máis grande do mundo?
Así é amigas e amigos, imos editar esta festa nun CD/DVD coa participación accionarial dos presentes na xornada de exaltación da viruta. A carpintería de ribeira de Burela, o 29 de decembro, será o lugar para facerse accionista. [seguiremos informando]
Ven á festa, serra, tómalle algo e ainda por riba leva o teu careto e a túa voz para a casa. Contigo faremos realidade o vello soño internacionalista:
FESTEIROS DO MUNDO, UNÍDEVOS!!!
|
|
